Úti í hinni stóru Ameríku eru margir snillingar í bútasaumi.  Þar eru líka risastórir framleiðendur, verslunarkeðjur og fyrirtæki sem tengjast bútasaumi.  Eitt af þessum stóru er Modafabrics.  Þeir framleiða og dreyfa, eigin línum í efnum, hafa fjöldan allan af hönnuðum á sínum snærum. 

Modafabrics standa líka fyrir allskonar "sew along" eða samsaumi, þar sem fólk getur fundið allskonar verkefni.  Eitt af því sem nú er í gangi er eitthvað sem þeir kalla Blockheads og er það í 6. sinn sem þeir bjóða upp á það.   

Ég sá þetta fyrir rælni í einhverri af þeim mörgu bútasaums grúppum sem ég er meðlimur í á Facebook  og ákvað að taka þátt.  Í dag þegar þetta er skrifað eru komar 11 blokkir en í hverri viku kemur eitt snið af blokk.  Það er ekki búið að gefa út neitt um það hvernig á að raða þessu saman en það er í raun ekki aðalatriðið.  Það má náttúrulega bara raða þessu saman eins og manni sýnist.  

Til gamans langar mig til að deila með ykkur það sem ég er búin að gera í þessu verkefni en ég hef verið að sauma þetta í törnum, þ.e.a.s. ekkert endilega eina blokk á viku. Stundum sleppi ég viku, sérsaklega þar sem ég er með önnur verkefni í gangi líka, og geri svo bara tvær eða jafnvel þrjár þegar ég er í stuði.